गजल २

–  अम्बिका बसौला,  गाउँशहर, लमजुङ

आफ्नै घरमा चेली किन सुरक्षित हुँदैन
को भन्छ बाबुवाट छोरी, बलात्कृत हुँदैन

म माथि अन्याय भो भन्दै, घरिघरि चेलीबेटी
पुलिसमा यस्ता घटना किन पारित हुँदैन

दोषी खुलेआम हिँड्दा सम्बन्धित निकाय भन्छ
यति प्रमाणले उ कहिल्यै दोषी, सावित हुँदैन

यस्तै केसमा नाबालिका कति मरे गाउँमा
अझै दोषीलाई लुकाउदा को पीडित हुँदैन

अपराधीलाई जेल सजाए गरिन्छ, छोडिन्छ
यहाँ फाँसीको कानुन किन घोषित हुँदैन