गजल :लालु क्षेत्री "कोकिल"

लालु क्षेत्री "कोकिल"
शुक्रनगर-३,चितवन

 गज़ल
बनावटी चाहना होइन यो,नरिसाउ प्रिय । 
तिम्रो जीवन मात्र मेरो,अन्त नबिसाउ प्रिय ।।  

नतमष्तक भै सधैंभरी तिमीलाई नै चाहेको छु 
ख्याल सम्झी मलाई तिमी नगिज्याउ प्रिय ।

चरित्र आफ्नो ख्याल गरी अघि बढ्नु सधैं
इज्जत लिलाम हुने गरी अरुलाई,नरिझाउ प्रिय।

चाहना मनका यति धेरै तिमीलाई मात्र पाउने 
दिल खोलेर पोख भाव,नलजाउ प्रिय। 

ईशारा र सुस्केराले तिमीसँग कुरा गर्छु 
म नै लज्जित हुने गरी नचिच्याउ प्रिय।